Чехиялик миллиардер А Серия грандини сотиб олмоқчи
Чехиялик миллиардер Даниэл Кршетински Италия А Серияси грандларидан бирини сотиб олишни режалаштирмоқда.
Football Italia нашрининг хабар беришича чехиялик бизнесменни бу борада Римнинг “Рома” клуби қизиқтириб қўйган. Аммо, “бўрилар” хўжайини Жеймс Паллотта жамоани сотиш борасида музокараларга ҳали тайёр эмас. Унинг фикрича клубни қимматроққа сотиш учун аввал янги стадион қуриш керак. Таъкидлаш лозимки, айни дамда “Рома” ҳамшаҳари “Лацио” билан бирга “Олимпико” стадионидан фойдаланиб келмоқда.
Маълумотларга қараганда Кршетински даставвал “Милан”ни харид қилишни истаган ва “россонерилар”га бунинг учун 600 млн евро таклиф қилган. Бироқ, якунда рад жавобини олган.
Фикрлар