Дибалага Европанинг икки гранди қизиқиш билдира бошлади

"Ювентус" форварди Пауло Дибала бирданига Европанинг икки гранд клуби қизиқишларига сабаб бўла бошлади. Бу ҳақда Le 10 Sport нашри хабар тарқатмоқда.

Юқоридаги манбаанинг маълум қилишича 24 ёшли аргентиналик форвард "Бавария" ва ПСЖ клубларининг қизиқишлар доирасига кириб қолган. Бироқ, ҳар иккала жамоа ҳам Дибалани келгуси йилнинг ёзида харид қилишга уриниб кўради.

Маълумот учун, Дибала ўтган мавсум “Юве” сафида жами 46та ўйинда майдонга тушган ва ўз ҳисобига 26та гол ҳамда 7та голли узатма ёздириб қўйишга эришган.