Diyorbek O‘rozboev – Jahon chempionati bronza medali sohibi!

Vengriya poytaxti Budapesht shahrida davom etayotgan dzyudo bo‘yicha Jahon chemppionati bahslari o‘zining hal qiluvchi pallasiga kirib bormoqda.

Bugungi kun dasturidan o‘rin olgan -60 kg vazn toifasida bronza medali uchun o‘tkazilgan bahs o‘z yakuniga etdi. Ushbu bellashuvda Diyorbek O‘rozboev terma jamoamizning yana bir a’zosi Muhriddin Tilovovga qarshi gilamga ko‘tarildi.

Qiziqarli kechgan bahs yakunida esa, O‘rozboev jamoadoshini yuko evaziga mag‘lub etgan holda, Jahon chempionati bronza medalini qo‘lga kiritdi.