Dog‘iston hukumati Hamdamovning jamoasiga moliyaviy ko‘mak ko‘rsatishi mumkin

Dog‘iston respublikasi hukumati mamlakat sharafini himoya qiladigan va ayni damda 260 million rubl qarzdorlikka yo‘liqqan “Anji”ga moliyaviy ko‘mak bermoqchi. Bu haqda mamlakat jismoniy tarbiya va sport vaziri Magomed Magomedov aytib o‘tdi.

“Anji”ni moliyalashtirish masalasi Dog‘iston rahbarlarining yig‘ilishida muhokama qilindi. Bu borada yakuniy qaror qabul qilish masalasi ko‘rib chiqilmoqda. Qaror qabul qilinishi bilan bu haqda ommaviy-axborot vositalarida e’lon qilinadi”, - deydi Magomedov.

Eslatib o‘tamiz, “Anji” safida hamyurtimiz Dostonbek Hamdamov to‘p suradi. Maxachkalaliklar ayni damda premer-ligada 12-pog‘onani egallab turishibdi.