Eden Azar: Sarri qo‘li ostida yutuqlarga ega chiqishni istayman

“Chelsi” jamoasi yarim himoyachisi Eden Azar bosh murabbiy Mauritsio Sarri qo‘li ostida yutuqlarga ega chiqish istagi bor ekanini bayon qildi.

“Sarri – ajoyib murabbiy. Futbolni aynan masha shunday murabbiylar qo‘li ostida o‘ynash maroqli. Uning o‘zgacha uslubi bor va menga bu uslub yoqadi. Sarri qo‘li ostida yutuqlarga ega chiqishni istayman. Mavsum yakunida esa nima bo‘lishini ko‘ramiz”, – dedi belgiyalik futbolchi.

Avvalroq Madridning “Real” klubi Eden Azarga qiziqish bildirgani, yarim himoyachining o‘zi esa “Qirollik klubi”da to‘p surish orzusi bor ekani ma’lum qilingandi.

Joriy mavsumda Azar APLning 8-turidan keyin 7 ta gol va 3 ta golli uzatma bilan to‘purarlar bahsida etakchi bo‘lib turibdi.