Эль-класико олдидан "Барселона" пешқадамликни қайтариб олди, "Реал" эса 7-ўринга тушиб кетди

Хабарингиз бор кеча Испания Ла Лигасида 9-тур ўйинлари ўз якунига етди.

Эътиборлиси, кетма-кет мағлубиятларни қабул қилиб олаётган “Реал” (14 очко) 9-турдан сўнг 7-ўринга тушиб кетди. Таъкидлаш керакки, бу ўрин еврокубокларда иштирок этиш йўлланмасини бермайди.

Марказий ўйинда “Севилья”дан (4:2) устун келган “Барселона” яна пешқадамликни ўз қўлига олди. Каталонияликлар ҳисобида 18 очко мавжуд.

Эслатиб ўтамиз, 28 октябрь куни “Барселона” ўз майдонида “Реал”ни қабул қилади.