Эртанги Суперкубок учрашувидаги концертда Шаҳзода ва Лола иштирок этади

Хабарингиз бор эртага «Пахтакор» стадионида "Локомотив" ҳамда АГМК клублари ўртасида Ўзбекистон Суперкубоги бўлиб ўтади.

ПФЛ расмий сайти тарқатган хабарга кўра эртанги ўйин бошланишидан олдин ва танаффус вақтида юртимизнинг эл суйган санъаткорлари иштирокида концерт дастури ва турли тадбирлар ташкил этилади. Жумладан, эстрадамиз ёрқин юлдузлари – Шаҳзода, Лола ва бошқа машхур хонандалар иштирокидаги ўйинолди концерт соат 14:30дан бошлаб стадионга ташриф буюрувчи мухлислар эътиборига ҳавола этилади.

Яна бир қувонарли жиҳат шундаки, ишқибозлар шу куни Суперкубок ўйинига бепул тарзда кириш имкониятига эга бўлишади. Ўйин учун чиқариладиган чипталар таклифнома тарзида “Пахтакор” стадиони кассаларида мухлисларга бепул тарзда тақдим этилади.

Таъкидлаб ўтамиз, Ўзбекистон Суперкубоги-2019 учрашуви Туркиянинг KOC Elektrik AS компанияси бош ҳомийлиги остида кечади.

Фикрлар

Саралаш
Фикр қолдириш учун авторизациядан ўтинг!
&
darwesh
23/02/2019 06:03
Бошкача килиб айтганда, футболга санъатсевар одам киради. Кушикларни эшитиб кайтиб кетаверади
Жавоб ёзиш
&
darwesh
23/02/2019 06:01
Улар келмаса, уим хам бу совукда кириб куради уйинни?
Жавоб ёзиш