Эшли Коул энди Лэмпард қўл остида тўп суради

Англиялик машҳур ҳимоячи Эшли Коул фаолиятини "Дерби Каунти"да давом эттирадиган бўлди.

38 ёшли футболчи янги жамоаси сафига эркин агент сифатида келиб қўшилди. Қайд этиш лозимки, ушбу жамоага Коулнинг “Челси”даги собиқ жамоадоши Френк Лэмпард устозлик қилмоқда. Ушбу жамоа айни дамда Чемпионшипда 6-ўринни эгаллаб турибди.

Маълумот учун, Эшли Коул фаолияти давомида "Арсенал", "Кристал Пэлас", "Челси", "Рома" ва "Лос-Анжелес Гэлакси" каби жамоаларда тўп сурган. Англия терма жамоаси сафида эса 107та ўйинда иштирок этган.