Эшли Коул энди Лэмпард қўл остида тўп суриши мумкин

Англиянинг "Дерби Каунти" клуби бош мураббийи Фрэнк Лэмпард "Челси"даги собиқ жамоадоши Эшли Коулни ўз жамоасида кўрмоқчи эканлигини айтди.

“Коул – ҳақиқий профессионал ва ажойиб йигит. Биз уни жамоамизга таклиф қилиш ҳақида ўйлаяпмиз. Мен унинг ҳозир яхши формада эканлигини ва ҳали футбол ўйнаш нияти борлигини биламан”, - дейди Лэмпард.

Эслатиб ўтамиз, Лэмпард ва Коул 2006-2014 йилларда “Челси” шарафини бирга ҳимоя қилишган. 38 ёшли Коулнинг сўнгги жамоаси "Лос-Анжелес Гэлакси" клуби бўлган эди. У АҚШ жамоасидан 2018 йилнинг ноябрида кетган ва айни дамда эркин агент ҳисобланади.