"Эвертон" "Барса"нинг яна бир футболчиси билан шартнома имзолайди

Англиянинг "Эвертон" клуби Минанинг трансфери борасида "Барса" билан келишувга эришган. Sport.es нашрининг хабар беришича, жорий трансфер 32 миллион евро эвазига амалга ошиши кўзда тутилмоқда.

23 ёшли Колумбия терма жамоаси аъзоси "Эвертон" билан 5 йиллик шартнома имзолайди.

Аввалроқ Мина "Манчестер Юнайтед" билан музокаралар олиб борган, бироқ номаълум сабабларга кўра, музокаралар тўхтатиб қўйилди.

Эслатиб ўтиш жоизки, "кўк-анор ранглилар" сафида тўп тепган Люка Динь ҳам бир неча ҳафта олдин "Эвертон" сафига келиб қўшилган.