"Everton"ning ikki nafar futbolchisi Chempionshipga ravona bo‘lishi mumkin

"Everton" klubi yarim himoyachilari Muhammad Beshich va Yannik Bolasi yangi mavsumni Chempionshipda o‘tkazishlari mumkin.

Sky Sports bergan xabarlarga qaraganda "Midlsbro" klubi yuqoridagi ikki futbolchining ijarasi borasida mersisaydliklar bilan muzokaralar olib bormoqda. Aytish lozimki, Adam Traore "Vulverxempton"ga sotib yuborilgach jamoa ustozi Toni Pyulis tarkibni kuchaytirishni istamoqda.

Eslatib o‘tish lozimki, Beshich uchun “Midlsbro” begona emas. Boisi, u o‘tgan mavsumning ikkinchi qismini aynan shu jamoada ijara asosida o‘tkazgan va 17ta o‘yinda ishtirok etgan.