Европа Лигаси плей-офф босқичига муддатидан аввал чиққан жамоалар номи маълум бўлди

Европа Лигаси мусобақасининг гуруҳ босқичи 4-тур учрашувлари ўз якунига етди. Мазкур тур якунига кўра бир қатор жамоалар муддатидан аввал плей-офф босқичига йўл олишди.

Жумладан, “Арсенал” ўз майдонида “Спортинг” билан 0:0 ҳисобида дуранг ўйнаб, плей-оффга йўл олди. “Челси” сафарда БАТЭни 1:0 ҳисобида таслим қилган ҳолда Европа Лигасининг 1/16 босқичига чиқди.

Шунингдек, “Лацио”, “Байер”, “Айнтрахт”, “Динамо Загреб” ва “Цюрих” клублари ҳам плей-офф босқичига муддатидан аввал йўлланма олди.