ФАКТ! “Локомотив” сафарда “Насаф”ни ўзаро 13 учрашувнинг 3 тасида мағлуб этган холос

Суперлиганинг 6-туридаги “Насаф” - “Локомотив” баҳси турнинг марказий учрашуви саналади. Беллашув 11 апрел чоршанба куни “Марказий” стадионда бўлиб ўтади ва соат 20:00да бошланади.

Ўзаро учрашувлар тарихига оид

Ушбу жамоалар миллий чемпионатимизда 26 марта тўқнаш келишган. Ўтган учрашувларнинг 13 тасида “аждарлар” ғалаба қозонган. 5 учрашувда муроса кўчаси танланган. Қолган 8 баҳсда “темирйўлчилар”нинг қўли баланд келган. Тўплар фарқи бўйича устунлик қаршиликлар томонида 37-27.

Бу жамоалар  ўртасидаги учрашувларда “Насаф” – “Локомотив” 5:1 (2 марта), “Локомотив” – “Насаф” 5:2 кўринишидаги энг йирик ҳисоблар қайд этилган.

“Насаф” бу  йилги чемпионатда 5 учрашув ўтказиб, 9 очко тўплади ва турнир жадвалининг 3-поғонасида бормоқда. “Локомотив” 5 ўйиндан сўнг 5 очко тўплаб, турнир жадвалида 9-поғонада бормоқда. Амалдаги мамлакат чемпионнинг бу йилги чемпионатда унчалик омади чопмаяпти.

Қаршидаги ўзаро учрашувларга оид

Мазкур жамоалар Қаршида шу пайтгача 13 марта ўзаро куч синашганлар. Бу учрашувларнинг 9 тасида мезбонлар ғалаба қозонишган, 3 учрашувда “Локомотив”нинг қўли баланд келган, қолган 1 учрашувда дурангга имзо чекилган. Қаршидаги ўзаро учрашувларда дарвозаларга жами 41та тўп киритилган, тўплар фарқи - 26-15ни ташкил этмоқда. Демак, тўплар фарқи бўйича ҳам устунлик қаршиликлар томонида.

“Насаф” ўтган йилги чемпионатда “Локомотив”ни Қаршида 2:0 ҳисобида мағлубиятга учратган. Учрашувдаги икки голга ҳам ҳужумчи Драган Черан муаллифлик қилган. “Локомотив” жамоаси эса сўнгги бор, 2016 йили Қаршидаги учрашувда 2:1 ҳисобида “Насаф”дан устун келган.

Қаршидаги сўнгги беш учрашув натижалари

2017 йил. “Насаф” - “Локомотив”   2:0

2016 йил. “Насаф” - “Локомотив”   1:2

2015 йил. “Насаф” - “Локомотив”   1:0

2014 йил. “Насаф” - “Локомотив”  2:5

2013 йил. “Насаф” - “Локомотив”   2:1

Учрашувга оид яна маълумотлар

Бўлажак учрашув “Насаф”нинг миллий чемпионатдаги 624-ўйини бўлади. Мазкур жамоалар ўтган 5-тур учрашувида дурангга эришди. “Локомотив” – “Қўқон-1912” 1:1, “Навбаҳор” – “Насаф” 0:0. “Аждарлар” ўтган икки турда дуранг қайд этишди. “Локомотив” жамоаси бу учрашувга жиддий йўқотишлар билан ташриф буюради. Жамоанинг икки нафар етакчи ўйинчиси “Насаф”га қарши учрашувда дисквалификация туфайли майдонга туша олмайди. Булар Икром Алибоев ва Родригес Нивалдодир.