Гол аниқлаш технологияси Ла Лига учун қимматлик қилади-ми?

Испания чемпионати 20-турида “Барселона” сафарда “Бетис”га қарши баҳс олиб борди. Мазкур беллашувда 1:1 ҳисобидаги дуранг қайд этилди.
Учрашувнинг 75-дақиқасида Алекс Алегрия гол киритган бўлса, 90-дақиқада Луис Суарес ҳисобни тенглаштирди.
Қайд этиш керакки, вазиятлардан бирида “Барселона” гол урганди, аммо ҳакам уни инобатга олмади. Испания чемпионатида ҳозирча голни аниқлайдиган тизим йўқ. 
Айни шу масала юзасидан "Барселона" бош мураббийи Луис Энрике ўйиндан сўнг ўз фикрларини билдириб ўтган эди. Бироз ўтиб Ла Лига президенти Хавьер Тебас Энрикенинг бу гапларига қуйидагича жавоб қайтарди.
"Ла Лига учун голни аниқлайдиган технология? Бу жуда қиммат", - дейди Тебас.

Эслатиб ўтамиз, ўйиндан сўнг бу ҳолат юзасидан "Барселона" форварди Луис Суарес ҳам ўз фикрларини билдириб ўтган эди.