Grizmann: Angliyami, Xorvatiyami menga farqi yo‘q

Frantsiya terma jamoasi hujumchisi Antuan Grizmann kecha JCh-2018ning yarim finalida Belgiya (1:0) ustidan qozonilgan g‘alabadan so‘ng o‘z fikrlarini bildirib o‘tdi.

“Hozir judayam baxtliman. Biroz dam olmoqchiman va hozir yakshanba kungi o‘yin haqida o‘ylash niyatim yo‘q. Anggliyami yoki Xorvatiya, menga kim bilan o‘ynashni farqi yo‘q.

Turnir boshlanishidan oldin biz o‘z oldimizga 7ta bahsda g‘alaba qozonishni maqsad qilgan edik va bu maqsadimizga etishishimiz uchun faqat 1ta o‘yinda g‘alaba qozonish qoldi”, - deydi Grizmann.

Eslatib o‘tamiz, bugun Xorvatiya hamda Angliya terma jamoalari o‘rtasidagi o‘yinda Frantsiyaning finaldagi raqibi ma’lum bo‘ladi.