Гризманн: Мен "Олтин тўп" ҳақида ўйламаяпман, мен жаҳон чемпиони бўлишни истайман

Мадриднинг “Атлетико” клуби ҳамда Франция терма жамоаси форварди Антуан Гризманн ўзининг “Олтин тўп” совринини қўлга киритиш борасидаги имкониятлари ҳақида гапириб ўтди.

“Мен ҳозир умуман “Олтин тўп” ҳақида ўйламаяпман. Мен жаҳон чемпиони бўлишни истайман! Бизда чемпион бўлиш учун ажойиб имконият бор ва “Олтин тўп” менинг ҳаёлларимга кирмайди. Мен жаҳон чемпиони бўлиш учун боримни бериб ҳаракат қиламан”, - дейди Гризманн.

Эслатиб ўтамиз, Франция терма жамоаси финалда Хорватияга қарши баҳс юритади. Учрашув 15 июль куни Москвадаги “Лужники” стадионида бўлиб ўтади.