Ибрагимович МЛС юлдузларининг "Ювентус"га қарши ўйинини ўтказиб юборади

“Лос-Анжелес Гэлакси” клуби ҳужумчиси Златан Ибрагимович МЛС юлдузларининг “Ювентус” билан бўладиган ўртоқлик учрашувида майдонга туша олмайди. Ўйин 1 август куни Атлантада бўлиб ўтади.

Ўтган ҳафта футболчи Лиганинг учта ўйинида майдонга тушган ва шунинг учун туринликларга қарши баҳс қайдномасига киритилмаган.

– “Ювентус”га қарши ўйинни ўтказиб юборишимдан ҳафсалам пир бўлди. У ерда собиқ жамоадошларим бор эди. Мен учун овоз берган мухлисларимга миннатдорлик билдирган бўлардим. Ҳозир менинг асосий мақсадим голлар уриб, “Лос-Анжелес”га ёрдам бериш, — дейди швециялик ҳужумчи.

Ибрагимович “Орландо Сити” (4:3) билан бўлган ўйинда учта гол уриб, ўйин қаҳрамонига айланган эди.