Игуаин ҳакамни ҳақоратлади, Роналду билан жанжаллашди ва майдонни кўз ёш билан тарк этди (фото)

Аввалроқ хабар берганимиздек, "Ювентус" меҳмонда "Милан"ни мағлуб этди.

"Милан" клуби хужумчиси Гонсало Игуаин учрашувдан четлатилди.

Айтиб ўтиш жоизки, аргентиниялик футболчи биринчи бўлимда рақиб дарвозаси томон белгиланган пенальтини амалга ошира олмади. Иккинчи бўлимда, Гонсало рақиб ҳимоячиси Медхи Бенатияга нисбатдан қўпол тарзда қоидани бузди.

Ушбу вазиятда учрашув бош ҳаками Паоло Маццолени Игуаинни сариқ карточка билан огоҳлантирди, бироқ форвард реферини ҳақоратлаганидан сўнг Маццолени уни баҳсдан четлатишга мажбур бўлди.

Шу қатори, Игуаин хужумчи Криштиану Роналду ҳамда бошқа рақиб футболчилари билан жанжаллашиб майдонни кўз ёш тўкиб тарк этди.

Эслатиб ўтамиз, жорий йилнинг ёзги трансфер мавсумида Гонсало Игуаин "Ювентус"дан "Милан"га ижара шартнома бўйича кўчиб ўтган.