Икарди "Интер" машғулотларида иштирок этмади

Миланнинг "Интер" клуби форварди Мауро Икарди жамоанинг бугунги машғулотларида иштирок этмади.

Клуб матбуот хизмати тарқатган хабарга кўра 25 ёшли аргентиналик футболчи ўнг тиззасидаги жароҳати сабаб машғулотларни ўтказиб юборган. У клуб қароргоҳидаги шифохонада физиотерапия муолажаларини олган.

Шу тариқа унинг эртага “Сампдория”га қарши баҳсда майдонга тушиши сўроқ остида қолмоқда.

Эслатиб ўтамиз, Икарди жорий мавсум “нерадзуррилар” сафида жами 31та ўйинда иштирок этди ва 17та гол уришга эришди.