Инсиньени "Энфилд"га чорлашмоқда

Англиянинг "Ливерпуль" клуби "Наполи" вингери Лоренцо Инсиньега жиддий қизиқиш билдира бошлади. Бу ҳақда Rai Sport нашри хабар бермоқда.

Унга кўра мерсисайдликлар 27 ёшли футболчини келаси ёзги трансферлар даврида сотиб олишмоқчи. Маълумотларга қараганда италиялик футболчини жамоада шахсан бош мураббий Юрген Клопп кўришни истамоқда.

Эслатиб ўтамиз, Инсинье жорий мавсум “Наполи” сафида жами 10та ўйинда майдонга тушган ва рақиб дарвозасига 7та гол уришга эришган.