“Интер” “Реал” етакчисини қўлга киритмоқчи

Миланнинг “Интер” клуби “Реал” ярим ҳимоячиси Лука Модричга жиддий қизиқиш билдира бошлади. Бу ҳақда италиялик машҳур журналист Жанлуки Ди Марцио хабар тарқатмоқда.

Унга кўра “нерадзуррилар” вакиллари бу борада футболчи билан музокараларни бошлаб юборишган. Қолаверса, 32 ёшли хорватиялик футболчининг ўзи ҳам “Интер”га ўтишга қарши эмас. Боиси, ушбу клубда Иван Перишич ва Марцело Брозович каби ҳамюртлари бор. Тез орада шунингдек Шиме Врсальконинг ҳам кўчиб ўтиши айтилмоқда.

Хабарларга қараганда айнан Модрич сабаб “Интер” раҳбарияти “Бавария” ярим ҳимоячиси Артуро Видаль билан музокараларни тўхтатган.