"Интер" "янги Пирло" учун курашга қўшилди

Миланнинг "Интер" клуби "Брешия" ярим ҳимоячиси Сандро Тонали учун курашга қўшилди. Бу ҳақда Football Italia нашри хабар бермоқда.

Унга кўра “нерадзуррилар” “янги Пирло” деб айтилаётган футболчи учун 25 миллион евро тўлашга тайёр. Таъкидлаш керакки, “Интер” Тонали учун курашга қўшилган тўртинчи жамоа бўлди. Бундан аввалроқ унга "Челси", "Милан" ҳамда "Рома" клубларидан ҳам қизиқишлар бўлаётгани ҳақида хабарлар тарқалган эди.

Маълумот учун, Сандро Тонали жорий мавсум “Брешия” сафида жами 7та ўйинда майдонга тушган ва ўз ҳисобига 2та голли узатмага муаллифлик қилган.