"Интер"га "Реал" футболчиси керак

“Реал” клуби ярим ҳимоячиси Матео Ковачич фаолиятини Италияда давом эттириши мумкин. Corriere dello Sport нашри тарқатган хабарга кўра, “Интер” 24 ёшли хорватиялик футболчини Миланга олиб келмоқчи ва “нерадзуррилар” Мадрид клуби билан дастлабки музокараларни бошлаб юборган.

Ковачич “Интер” сафида 2013-2015 йилларда ўйнаган. Хорватиялик футболчининг “Реал” билан тузган амалдаги шартномаси яна уч йилга мўлжалланган. Мадридликлар унинг учун 30 миллион евродан кўпроқ талаб қилмоқда.