Иқболжон Холдоров кейинги босқичга йўл олди

Россиянинг Белоярский шаҳрида давом этаётган бокс бўйича нефт мамлакатлари иштирок этаётган жаҳон кубоги турнирининг иккинчи кунги беллашувлари ўтказилди.

64 кг вазн тоифасида юртимиз шарафини ҳимоя қилаётган Иқболжон Холдоров иккинчи жангини россиялик Алексей Климцевга қарши ўтказиши лозим эди.

Бироқ Холдоровнинг рақиби турнирни тарк этди ва боксчимиз автоматик тарзда ярим финал йўлланмасига эга чиқди.

Эслатиб ўтамиз, илк жангда Иқболжон мезбонлар вакили Нурали Алиевдан устун келган эди.