Италиялик футболчи бир ўлимдан қолди (видео)

Аввал хабар берганимиздек кеча Италия В Сериясининг 22-туридан ўрин олган "Лечче" - "Асколи" учрашуви футболчиларнинг ноҳуш тўқнашувидан сўнг тўхтатилди.

Аниқроғи, "Асколи" ҳужумчиси Жакомо Беретта ҳаводаги курашда "Лечче" хавбеки Мануэль Скавонени бошига зарба бериб юборди ва уни нокаутга туширди. Натижада Скавоне майдонга қулагач ҳушини йўқотди. У хатто майдонда вафот этиши ҳам мумкин эди. Аммо, шифокорларнинг ўз вақтида кўрсатган ёрдами билан унинг ҳаёти сақлаб қолинди.

Шундан сўнг 31 ёшли футболчи дарҳол шифиохонага олиб борилди. Gazzetta dello Sport нашри тарқатган хабарга кўра айни дамда унинг ахволи яхши.

Ушбу кутилмаган ҳолатдан сўнг жамоалар ўйинни давом эттирмасликни сўрашган. Уларнинг илтимосига биноан ушбу баҳс бошқа кунга қолдирилди.