Jordan Xenderson: Reshford – fantastik futbolchi

Angliya terma jamoasi yarim himoyachisi Jordan Xenderson jamoadoshi Markus Reshford haqida iliq fikrlar bildirib o‘tdi.

“Reshford qanday iqtidorga ega ekanligini yaxshi bilamiz. U Ispaniyaga qarshi bo‘lgan o‘yinda ham gol urishga erishdi va bundan tashqari ko‘plab vaziyatlar yarata oldi. U shu kuni juda faol bo‘ldi va qarshi hujumlarda raqibga etarlicha muammo tug‘dirdi.

Reshford – fantastik futbolchi. U bundan buyon ham o‘z ustida yanada ko‘proq ishlab, o‘sishda davom etishi kerak. U Angliya terma jamoasi uchun juda muhim futbolchi”, - deydi Xenderson.