КУН ВИДЕОСИ: Рашидовнинг хет-триги “Насьонал”га йирик ғалаба келтирди

Португалия Примейраси 22-турида ўзбекистонлик Сардор Рашидов тўп тепаётган "Насьонал" ўз майдонида "Фейренси" клубини қабул қилди.

Мадейрада кечган учрашувда мезбонлар 4:0 ҳисобидаги йирик ғалабани  қўлга киритишди. Ҳамюртимиз Сардор Рашидов эса рақиб дарвозасини 3 бор ишғол қилиб, хет-трик муаллифига айланди.

Рашидов ўйинни асосий таркибда бошлади 12, 54 ҳамда 67-дақиқаларда рақиб дарвозасини ишғол қилди. 70-дақиқада эса захирага олинди.

Ушбу ғалаба натижасида "Насьонал" ҳисобидаги очколар сони 23 тага етди ва жамоа турнир жадвалида 12-ўринга кўтарилиб олди."Фейренси" эса 14 очко билан сўнгги поғонани эгаллаб турибди.