Каратэчиларимиз жаҳон чемпионатида ҳозирча иккита медални қўлга киритди

Қозоғистоннинг Алмата шаҳрида халқаро Будокаи уюшмаси томонидан кюдокюкишин (каратэ тури) бўйича жаҳон чемпионати бўлиб ўтмоқда.

Мазкур дунё биринчилигида 500 нафардан ортиқ спортчилар ғолиблик учун ўз маҳоратларини кўрсатишмоқда.

Ўзбекистон шарафини ушбу турнирда “Нурхас” каратэ маркази спортчилари ҳимоя қилишмоқда. Кеча ўтказилган мусобақаларда ҳамюртларимиз ката йўналиши бўйича иккита медални қўлга киритди.

Термамиз ҳисобида дастлабки медални Жаҳонгир Ҳайдаров (бронза) олиб келган бўлса, Мутал Назаров финалгача етиб келиб, кумуш медал билан тақдирланди.

Мусобақалар давом этмоқда.