Кьеллини: Роналду 40 ёшгача футбол ўйнай олади

Туриннинг “Ювентус” клуби ҳимоячиси Жоржо Кьеллини жамоадоши Криштиану Роналду яна бир неча йил давомида юқори даражада футбол ўйнай олишини айтди.

“Роналду 40 ёшгача ўйнай оладими? Ўйлайманки, ҳа. Мен ҳам ўйнай оламан. Аммо, буни хоҳламайман.

Машғулотлар давомида у барчамизни қаттиқ тер тўкишга мажбур қилади.

Роналду – жуда ақлли йигит. У бошқа мамлакатдан келди, бироқ, келиши билан дарҳол шаҳар атмосферасини ўрганишга ҳаракат қилди”, - дейди италиялик тажрибали ҳимоячи.