Клопп: Энди бизда 60 очко бор, бу жуда ажойиб

"Бошимиздан тоғ ағдарилгандай бўлди. Ўйин қийин бўлишини билар эдик. "Кристал Пэлас" доимо "Ливерпуль" билан яхши ўйнаган. Улар қарши ҳужумда ажойиб ҳаракатланишади. Айниқса, Уилфрид Заа жаҳон даражасидаги футболчи.

Биз учрашувни назорат қилишга ҳаракат қилдик, аммо баъзан бизга сабр етишмади. Рақиб ўз ярим майдонидан чиқмади ва шу боис чекланган майдонда ҳаракат қилишимизга тўғри келди.

Натижа муҳим, энди бизда 60 очко бор. Мен жамоамдан фаҳрланаман. Бизга бир нечта футболчи етишмаяпти, аммо орада тикланиш учун бир неча кун вақтимиз бор", - деди германиялик мутахассис.