Куртуа Навасдан кучсиз?! (ФОТО)

Куни кеча “Челси”дан “Реал”га кўчиб ўтган дарвозабон Тибо Куртуа ўтган мавсум Чемпионлар лигасида кўрсатган статистикаси бўйича "қироллик клуби"нинг коста-рикалик посбони Кейлор Навасдан ортда қолади.

Opta нашри тарқатган хабарга кўра бельгиялик посбон ўтган мавсум ЕЧЛда жами 20та сейвни амалга оширган ва ўз дарвозасидан 12та гол ўтказиб юборган бўлса, Навас 33 марта жамоасини голдан қутқариб қолган ва ўз дарвозасидан 13та тўп олиб чиққан.

Таъкидлаш керакки, Куртуа Чемпионлар лигасининг ўтган мавсумида жами 62% зарбани қайтаришга эришган. Бу эса мусобақадаги энг ёмон 2-натижа ҳисобланади. Бу борадаги энг ёмон натижа эса “Севилья” посбони Серхио Рикога тегишли – 58%.

Таққослаш учун, Навас ўз дарвозаси томон берилган зарбаларнинг 71 фоизини қайтара олган.

Юқоридагилардан келиб чиқиб айтиш мумкинки, янги мавсумда “Реал”да асосий таркибга кириш учун ҳақиқий дарвозабонлар кураши кечади.