Лаллананинг қачон сафга қайтиши маълум бўлди

Англия терма жамоаси матбуот хизмати терма жамоа йиғинида жароҳат олган “Ливерпуль” ярим ҳимоячиси Адам Лаллананинг жароҳати ҳақида маълум қилди.

Унга кўра 30 ёшли футболчи сентябрь ойи якунига қадар лазаретда бўлади. Шундан сўнггина у майдонга тушиши ва мерсисайдликларга ёрдам бериши мумкин.

Эслатиб ўтамиз, Англия терма жамоаси УЕФА Миллатлар лигаси доирасида дастлаб Испания (8 сентябрь), сўнгра Швейцария (11 сентябрь) терма жамоалари билан куч синашади.