Лангле: Энди Мессига қарши ўйнамаслигимдан хурсандман

Яқиндагина “Севилья”дан “Барселона”га кўчиб ўтган ҳимоячи Клеман Лангле янги жамоадоши Лионель Мессининг маҳорати ҳақида гапириб ўтди.

“Бу ерда эканлигимдан хурсандман, чунки энди Мессига қарши ўйнамайман. У – дунёнинг энг зўр футболчиси. Лео рақибларни бемалол алдаб ўтиб, исталган позициядан ва исталган масофадан гол ура олади.

Яхши футболчилар йиғилган жамоага келсанг, у ерга мослашиб кетишинг осон кечади. Чунки бу ердаги футболчиларнинг барчаси юқори даражали футболчилар”, - дейди Лангле.