Легионерларимиз. Шомуродовнинг жамоаси "Локомотив"га имкониятни бой берди

Бугун мазкур мусобақа доирасида ҳамюртимиз Элдор Шомуродов фаолият олиб борадиган "Ростов" клуби "Локомотив"га қарши баҳс олиб борди. "Эспайр-Цент" стадионида кечган учрашувнинг асосий вақтида кучлар тенг келди - 1:1.

Ғолибни аниқлаш учун эса пенальтилар сериясига мурожаат этилди. "Футбол лотереяси"да эса москварликлар омадли чиқишди - 4:3.

Шомуродов беллашувни асосий таркибда бошлади ва 69-дақиқада захирага олинди. Шу тариқа Валерий Карпин бошқарувидаги ростовликлар очкосиз қолишди ва жамоа турнир жадвалида 3-ўринда бормоқда. "Ростов" навбатдаги ўйинни 28 январь санасида "Зенит"га қарши ўтказади.