Леннокс Льюис: Фьюри Жошуа ва Уайлдерга қараганда хавфлироқ боксчи

Оғир вазн тоифасининг собиқ жаҳон чемпиони Леннокс Льюис Тайсон Фьюри мағлуб қилиш Деонтей Уайлдер ва Энтони Жошуадан қийинроқ эканлигини айтиб ўтди.

– Ҳар бирининг ўз услуби бор. Улар ҳар хил тоифадаги боксчи. Шунинг учун мен уларнинг бир-бирлари билан жанглари бўлишини истардим. Бу худди бизнинг олтин давримизга ўхшайди.

– Ўйлайманки, қизиқарли жанглар бўлади. Жошуа жуда хавфли. Унинг ўнг қўлда кучли зарбаси бор. Уайлдерда эса унданда хавфлироқ зарба. Шунингдек, у Жошуадан тезкорроқ. Бироқ уларнинг Тайсон Фьюрини ютишини айтиш қийин. У жисмонан анча ўсган ва бўйи ҳам баланд. Узун қўлларга эга. Бу боксчида бошқаларга ноқулай услуб мавжуд. Уларнинг ҳар бирига алоҳида тайёргарлик кўриш зарур, – дейди Льюис.

Эслатиб ўтамиз, Тайсон Фьюри тез орада Деонтей Уайлдер билан учрашиши мумкин.