“Лейпциг” футболчиси “Реал” нишонида

Германиянинг “Лейпциг” жамоаси ҳужумчиси Тимо Вернер ўз фаолиятини “Реал Мадрид” клубида давом эттириши мумкин. Бу ҳақда AS нашри хабар бермоқда.

Маълумотларга кўра, мадридликлар 22 ёшли футболчини жароҳат олган Карим Бенземага ўринбосар сифатида кўрмоқда.

Аввалроқ “Боруссия Д” ва “Бавария” ҳам Вернер трансферига қизиққан эди. “Лейпциг” ўз футболчиси учун 60 миллион евро сўрамоқда.

Жорий мавсумда Тимо Вернер Бундеслиганинг 17 ўйинида майдонга тушиб, 11 та гол ва 2 та голли пасга муаллифлик қилди.