"Ливерпуль" қишда "Наполи" етакчисини сотиб олмоқчи бўлди, аммо...

"Ливерпуль" клуби қишки трансферлар даврида "Наполи" вингери Лоренцо Инсиньени ўз сафига қўшиб олишга ҳаракат қилган. Бу ҳақда Repubblica нашри хабар бермоқда.

Унга кўра мерсисайдликлар 27 ёшли италиялик футболчи учун 70 миллион евро таклиф қилишган, аммо рад жавобини олишган. Аниқроғи, неаполликлар сардори Аурелио Де Лаурентис ушбу футболчини 150 млн еврога баҳоламоқда.

Маълумот учун, Инсинье жорий мавсум “Наполи” сафида 27та ўйинда майдонга тушди ва ўз ҳисобига 11та гол ҳамда 5та голли узатма ёздириб қўйишга эришди. Унинг клуб билан амалдаги шартномаси 2022 йилга қадар имзоланган.