Луис Энрике Испания терма жамоасининг асосий таркибига кимлар муносиб эканлигини айтди

Испания терма жамоаси бош мураббийи Луис Энрике Уэльсга қарши ўртоқлик учрашуви олдидан ўз фикрини билдирди.

- Терма жамоанинг йиғинига чақирилганлар ва машғулотларда яхши меҳнат қилганлар ўйин амалиётига эга бўлишади. Хабарингиз бор, менинг бошчилигимда бир неча машғулотлар бўлиб ўтди, бироқ фақатгина бир машғулот давомида футболчилар катта иштиёқ билан ҳаракат қилишди.

Бу баҳс бизга ҳеч қандай очко бермасам хам, биз учун бўлажак учрашув катта аҳамиятга эгадир. Ўйин услубимизни ўзгартиришга ҳожат йўқ. Уэльсга қарши учрашувда Бэйлнинг ҳаракатларини алоҳида таҳлил қилиш даркор, у жамоага тезлик ҳамда хужумда катта ёрдам беради, - деди Энрике.