МЮ мухлислари Марсьялни ўтган ойнинг энг яхши футболчиси деб топишди

"Манчестер Юнайтед" ҳужумчиси Антони Марсьяль мухлислар томонидан жамоанинг якунига етган октябрь ойидаги энг яхши футболчиси деб топилди. Бу ҳақда клуб расмий сайти хабар бермоқда.

Ўтказилган сўровнома якунларига кўра 22 ёшли франциялик футболчи мухлисларнинг 76% овозига сазовор бўлган. Кейинги ўринлар эса Виктор Линделёф (16%) ҳамда Поль Погбаларга (8%) насиб этди.

Эслатиб ўтамиз, Марсьяль октябрь ойида премьер-лиганинг 3та учрашувида майдонга тушди ва рақиблари дарвозасини 4 марта ишғол этди.