"Манчестер Сити" ўз тарихидаги энг қиммат трансферни амалга оширади

Бильбаонинг “Атлетик” клуби ҳимоячиси Эмерик Лапорт “Манчестер Сити” билан 5 йиллик шартнома имзолайдиган бўлди.

The Guardian нашри тарқатган хабарга қараганда “шаҳарликлар” яқин кунлар ичида 23 ёшли франциялик футболчини 57 млн фунтга сотиб олишади. Шу тариқа Лапорт “Сити” тарихидаги энг қиммат трансферга айланади.

Маълумот учун, “Манчестер Сити”нинг айни дамдаги энг қиммат трансфери бу Кевин де Брюйне ҳисобланади. Манкуанликлар бельгиялик футболчи учун 2015 йил «Вольфсбург»га 55 млн фунт тўлаган.