"Манчестер Сити"нинг асосий футболчиси "Хоффенхайм"га қарши баҳсда жароҳат олди

"Манчестер Сити" клуби ярим ҳимоячиси Илкай Гюндоган кеча Чемпионлар лигаси гуруҳ босқичи 2-турида "Хоффенхайм"га (1:2) қарши ўйинда жароҳат олди.

Аниқроғи, германиялик футболчи иккинчи бўлим ўрталарида оёғида оғриқ ҳис қила бошлади ва майдонни тарк этди. Унинг ўрнига учрашувни Бернарду Силва давом эттирди.

“Гюндоганнинг жароҳати мушаклари билан боғлиқ. Ҳозирча унинг жароҳати қай даражада эканлигини билмайман. Бу ҳақда эртага маълум бўлади”, - дейди жамоа бош мураббийи Хосеп Гвардиола.