Марсело "Ювентус"нинг таклифини кўриб чиқишга тайёр

Мадриднинг "Реал" клуби ҳимоячиси Марсело жорий трансферлар даврида жамоасини ўзгартириши мумкин.

Tuttosport нашри тарқатган хабарга кўра 30 ёшли бразилиялик футболчи ўзига жиддий қизиқиш билдираётган “Ювентус”нинг таклифини ўрганиб чиқишга тайёр. Бироқ, “қироллик клуби” уни сотишни режалаштираётгани йўқ.

Эслатиб ўтиш лозимки, бундан аввалроқ Марселони “Ювентус” сафига яқиндагина “Реал”дан кўчиб ўтган Криштиану Роналду чақираётгани ҳақида хабарлар тарқалган эди.

Маълумот учун, Марсело ўтган мавсум “Реал” сафида жами 44та ўйинда иштирок этиб, ўз ҳисобига 5та гол ҳамда 11та голли узатма ёздириб қўйишга эришган.