Мбаппе Франция чемпионатида навбатдаги рекордини ўрнатди

ПСЖ форварди Килиан Мбаппе кеча Франция чемпионатининг 26-турида "Ним"га (3:0) қарши ўйинда дубль қайд этишга эришди.

Шу тариқа 20 ёшли футболчи ўзининг Франция чемпионатидаги умумий голлари сонини 51тага етказиб олди. У буларнинг 35таси ПСЖ сафида. Қолган 16тасини эса “Монако” сафида киритган.

Эътиборлиси, Мбаппе Франция чемпионатидабундай натижа қайд этган сўнгги 45 йилдаги илк футболчи бўлди. У бу борада Янник Стопир (21 ёш) ҳамда-Жибриль Сиссе (22) каби футболчиларни ортда қолдирди.

Маълумот учун, Мбаппе жорий мавсум ПСЖ сафида жами 20та ўйинда майдонга тушди ва ўз ҳисобига 22та гол ҳамда 10та голли узатма ёздириб қўйишга эришди.