Мбаппе: Мени бу йил ҳаммадан ҳам кўпроқ Азарнинг ўйини ҳайрон қолдирди

Франция терма жамоаси форварди Килиан Мбаппе жорий йил ўзи қарши ўйнаган энг кучли футболчи сифатида Бельгия терма жамоаси сардори Эден Азарни эътироф этди.

“Бу йил шахсан ўзим майдонда қарши ўйнаган футболчиларим орасида Эден Азар менда кўпроқ таассурот қолдирди. Жаҳон чемпионати ярим финалида у бизга қарши жуда ажойиб ўйин кўрсатди. Эден ўйинни ва жамоадошларини ҳурмат қилади. Тўп ошириш керак бўлса, у ҳеч қандай муаммосиз буни амалга оширади.

Тўп унинг оёғига келиб тушган заҳоти бошини баланд кўтариб майдонни кузатади. Майдонда у кўра олмайдиган жойнинг ўзи йўқ”, - дейди Мбаппе.

Эслатиб ўтамиз, Бельгия ЖЧ-2018 ярим финалида айнан Францияга имкониятни бой бериб қўйган эди.

Фикрлар

Фикр қолдириш учун авторизациядан ўтинг!