Mehribonlik uyi tarbiyalanuvchilaridan iborat O‘zbekiston terma jamoasi Turkiyadagi shug‘ullanmoqda
Mehribonlik uyi tarbiyalanuvchilaridan iborat O‘zbekiston terma jamoasi yig‘in o‘tkazish uchun Turkiyaning Antaliya shahriga yo‘l oldi. Bu haqda O‘FA rasmiy sayti xabar bermoqda.
Jamshid Asadov boshchiligidagi terma jamoa a’zolari Antaliyada dastlabki mashg‘ulotlarni o‘tkazishdi. Mashg‘ulot davomida futbolchilarning jismoniy holati va texnikasi ustida ish olib borildi.
Mazkur terma jamoa a’zolari bu yil iyul oyida Polshada bo‘lib o‘tadigan Mehribonlik uylari tarbiyalanuvchilari o‘rtasidagi Jahon Kubogida ishtirok etishadi. Ushbu musobaqaga munosib tayyorgarlik ko‘rish maqsadida O‘zbekiston futbol assotsiatsiyasi tomonidan terma jamoa a’zolariga barcha sharoitlar yaratib berilmoqda.
Fikrlar