Мексика, АҚШ ва Канада чемпионатлари бирлаштирилиши мумкин

Мексика, Канада ва АҚШ ўзаро биргаликда Шимолий Америка лигасини ташкил этишлари мумкин.

Daily Mail нашрининг хабар беришича юқоридаги уч мамлакат ушбу чемпионатни 2026 йилда биргаликда ўтказишадиган мундиалдан сўнг жорий этишлари мумкин.

Жумладан, Мексика футбол лигаси президенти Энрике Бонилланинг сўзларига кўра бундай қўшма чемпионат ташкил этиш эҳтимоли мавжуд. Айни дамда ушбу ғоя юзасидан федерациялар ўзаро музокаралар ўтказишмоқда.  

Маълумот учун, айни дамда Канада ва АҚШнинг ўзларининг юқори дивизион чемпионатларини биргаликда ўтказишади. Ушбу лига МЛС деб юритилади. Ҳозирда дунёнинг кўплаб юлдуз футболчилари айнан мана шу лигада тўп суришмоқда.