Месси “Барселона” тарихида энг кўп соврин ютган футболчига айланиши мумкин

Бугун Марокашда Испания супер кубоги финал баҳсида “Барселона” “Севилья” жамоаси билан куч синашади. Агар ушбу ўйинда “кўк-анорранглилар” зафар қучадиган бўлишса, Лионель Месси клубнинг энг совриндор футболчисига айланади.

Мазкур мукофот аргентиналик ҳужумчи учун 33-соврин бўлиб, бу клуб рекорди эканлигини англатади. 32 соврин ютган футболчилар орасида ёзда Япониянинг”Виссел Кобе” жамоасига ўтган Андрес Иньеста ҳам бор.

Месси каталон клуби сафида 4 марта ЕЧЛ, 9 марта – Ла Лиги, 6 марта –Испания кубоги, 7 – Испания супер кубоги, 3 – УЕФА супер кубоги ва 3 клублар ўртасидаги жаҳон чемпионатида зафар қучган.