Месси ўтган мавсумнинг энг яхши футболчиси рўйхатида бор йўғи 5-ўринда қолиб кетди

"Барселона" форварди Лионель Месси УЕФАнинг якунланган 2017/18 йилги мавсумидаги энг яхши футболчиси рўйхатида ўзига муносиб бўлмаган ўриндан жой олди.

Айтиш лозимки, 31 ёшли аргентиналик футболчи бу борада нафақат кучли учликка кира олмади, балки "Атлетико" ҳужумчиси Антуан Гризманндан ҳам ортда қолиб, 5-ўринда қайд этилди.

Эслатиб ўтиш лозимки, энди ушбу номга Криштиану Роналду, Лука Модрич ва Муҳаммад Салоҳлар кураш олиб боришади. Соврин эгаси 30 август куни, яъни ЕЧЛнинг янги мавсумига қуръа ташлаш маросими пайтида эълон қилинади.