“Металлург” сўнгги назорат учрашувида ғалаба қозонди

Кеча Туркиянинг Анталия шаҳрида Бекободнинг “Металлург” жамоаси сўнгги – тўртинчи назорат учрашувида Россия Федерациясининг “Ленинградец” жамоасига қарши майдонга чиқди ва 2:0 ҳисобида ғалаба қозонди.

Учрашув бекободлик футболчиларнинг катта устунлиги остида ўтди. Кетма кет тинимсиз ҳужумлар биринчи бўлимнинг ўзидаёқ самарасини берди ва пойтахт вилояти вакиллари рақиблари дарвозасига иккита тўп киритишди. Учрашувнинг 28-дақиқасида Ислом Исоқжонов ҳисобни очган бўлса, биринчи тайм якунига етиб бораётган бир пайтда “Металлург” сафида кўрикдан ўтаётган Сергей Тумасян муваффақият қозонди.

Иккинчи таймда ҳам бекободликлар бир қатор хавфли вазиятлар яратишди. Аммо қулай имкониятлардан баъзида ҳужумчилар самарали фойдалана олишмаган бўлишса, баъзида Ленинград вилояти жамоаси ҳимоячилари ишончли ҳаракат қилишди.

“Металлург” яна икки кун Анталияда йиғинни давом эттиради ва Ўзбекистонга 11 февраль санасида қайтади.

Туркия. Анталия. 8 февраль 2019 йил

“Металлург” – “Ленинградец” – 2:0 (2:0).  

Ҳакамлар: Д.Измайлов, Ю.Тихонюк, С.Васютин (ҳаммаси Қозоғистон Республикасидан).

Назоратчи: А.Горда.

Голлар: Ислом Исоқжонов, 28, Сергей Тумасян, 43.

“Металлург”: Зафар Сафаев, Аббос Отахонов, Камолиддин Тожиев, Андрей Шипилов, Станислав Андреев, Акбар Исматуллаев, Иброҳим Йўлдошев, Сергей Тумасян, Сервер Жепаров, Музаффар Музаффаров, Ислом Исоқжонов.

Захира: Карим Муҳаммедов, Зоир Жўрабоев, Аброр Тошқўзиев, Одил Абдумажидов, Дониёр Усмонов, Худойшукур Сатторов, Муҳаммад Исаев, Маҳмуд Қудратуллаев, Зоҳид Абдуллаев.

“Ленинградец”: Иван Будачев, Руслан Баширов, Никита Поваров, Айхан Гусейнов, Василий Пинчук, Данила Дятлов, Даниель Новицкий, Дмитрий Миронов, Руслан Казаков, Артем Семка, Никита Поляков.

Захира: Егорь Корцов, Максим Петров, Никита Хлусов, Сергей Костин, Андрей Блинду, Максим Астафьев, Егорь Спиридонов.