Модрич учун бу мавсум Мадриддаги сўнггиси бўлади

"Реал" Мадрид клуби ярим ҳимоячиси Лука Модрич ўзининг келажак тақдири борасида якуний қарорга келди. Бу ҳақда Football Espana нашри хабар бермоқда.

Унга кўра жорий мавсум 33 ёшли хорватиялик футболчи учун “Саньтяго Бернабеу”даги сўнгги мавсум бўлади. Модрич ёзда клуб раҳбариятини ўзини “Интер”га қўйиб юборишга кўндирмоқчи.

Эслатиб ўтиш лозимки, “нерадзуррилар” Модрични жорий ёзги трансферлар даврида сотиб олишга қаттиқ уринишди, аммо “қироллик клуби” етакчи футболчисини қўйиб юборишни истамади.